З пачатку года актывы беларускіх банкаў выраслі на 10,6%

нацбанкЗ пачатку года выраслі актывы беларускіх банкаў на 10,6%, склаўшы на 1 красавіка 532,7 трлн рублёў, паведамляе Нацбанк.

Доля актываў у замежнай валюце за гэты час павялічылася з 52,5% да 57,7%. Удзельная вага патрабаванняў да эканомікі (суб’ектаў гаспадарання і фізічных асобаў) у актывах банкаў склала 71,5%, на 1 студзеня – 72%.

Сукупны зарэгістраваны статутны фонд па банкаўскім сектары павялічыўся на 105.,8 млрд рублёў, і на 1 красавіка склаў 33,7 трлн рублёў. Нарматыўны капітал банкаў склаў 63,6 трлн рублёў і павялічыўся за тры месяцы на 1,3 трлн рублёў, што склала 2,1%. Дастатковасць нарматыўнага капіталу ў цэлым па банкаўскім сектары – 17,24% (на 1 студзеня – 17,38%) пры нарматыве не менш за 10%.

Праблемныя актывы банкаўскага сектара склаліся на ўзроўні 18,2 трлн рублёў. Доля праблемных актываў, схільных да крэдытнай рызыкі, склала 5,09%.

Банкаўскі сектар Беларусі складаецца з 31 банка. У 20 банках у статутных фондах доля ўдзелу замежных інвестараў больш за 50%.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі