Мітрапаліт Павел наведаў мінскі мікрараён Сокал

pavel

Мітрапаліт Мінскі і Заслаўскі Павел, Патрыяршы Экзарх усяе Беларусі, 21 траўня здзейсніў Усяночнае чуванне ў праваслаўным Нікольскім храме мінскага мікрараёна Сокал.

Герарху саслужылі сакратар Мінскага епархіяльнага ўпраўлення пратаіерэй Мікалай Коржыч і настаяцель храма, благачынны 6-ай Мінскай гарадской акругі пратаіерэй Сергій Комлік, паведамляе church.by.

Па заканчэнні богаслужбы Патрыяршы Экзарх павіншаваў духавенства і прыхаджанаў храма з прастольным святам, а затым уручыў ружы прыхаджанам, якія ў гэты дзень святкавалі імяніны.

У Гродне ў мікрараёне Зарыца 20 траўня пасля Боскай Літургіі, якую, з нагоды прастольнага свята, узначаліў архіепіскап Гродзенскі і Ваўкавыскі Арцемій, у будучым храме прапачэснапакутніка Афанасія Брэсцкага быў асвечаны крыж. Пасля асвячэння крыж быў узняты на купал храма.

Уладыку Арцемію саслужылі сакратар Гродзенскай епархіі мітрафорны пратаіерэй Анатоль Ненартовіч, настаяцель прыхода пратаіерэй Вячаслаў Гаплічнік і духавенства Гродна, паведамляе orthos.org.

У архіпастырскім слове ўладыка Арцемій павіншаваў вернікаў са святам Жыровіцкага абраза Божай Маці, падкрэсліўшы факт Прадстаяння Багародзіцы перад сваім Сынам аб нашай айчыне.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
22.05.2015 Навіны цэркваў| Тэгі: , , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты