У Салігорску ў свята Небаўшэсця высвяцілі новага святара

hiroУ свята Небаўшэсця Гасподняга ў праваслаўнай традыцыі 21 траўня епіскап Слуцкі і Салігорскі Антоній здзейсніў іерэйскуюа хіратонію дыякана Іаана Уханава за святочнай Боскай літургіяй у кафедральным саборы Раства Багародзіцы.

Арцхіастыру саслужылі благачынны Салігорскай акругі, ключнік кафедральнага сабора пратаіерэй Мікалай Розаў і духавенства храмаў рэгіёну, паведамляе sluck-eparchiya.by.

У Расонах у храме Узнясення Гасподняга Боскую літургію з нагоды прастольнага свята ўзначаліў архіепіскап Полацкі і Глыбоцкі Феадосій у саслужэнні настаяцеля пратаіерэя Аляксандра Гардзевіча. Ля ўваходу ў храм ўладыку Феадосія ўрачыста сустрэлі вяскоўцы, асабліва ўхвальна герарх адзначыў той факт, што прыходскі хор складаецца ў асноўным з моладзі. Па заканчэнні Літургіі адбыўся хросны ход с спевам трапара. На богаслужбе прысутнічалі прадстаўнікі свецкіх уладаў, паведамляе eparhia992.by.

Епіскап Барысаўскі і Мар’інагорскі Веніямін ў гэты дзень прыехаў у седо Дамашаны пад Смалявічамі, дзе ўзначаліў Боскую літургію ў жаночым манастыры евангеліста Іаана Багаслова, памяць якога шануецца таксама 21 траўня, паведамляе borisoveparhia.by.

Епіскап Магілёўскі і Мсціслаўскі Сафроній прыбыў у святочны дзень у Горкі, дзе здзейсніў святочную Боскую Літургію ў храме Узнясення Гасподняга у саслужэнні настаяцеля іерэя Андрэя Выгоўскага і клірыкаў храма, паведамляе mogeparhia.by.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
23.05.2015 Навіны цэркваў| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты