Арцыбіскуп Дубліна: Царква павінна задумацца

марцінАдабрэнне на рэферэндуме ў Ірландыі аднаполых шлюбаў – «гэта не толькі вынік кампаніі «за» або «супраць», гэта сведчыць пра больш глыбокую з’яву, культурную рэвалюцыю». Пра гэта заявіў арцыбіскуп Дублінскі і Прымас Ірландыі Дыярмуід Марцін у інтэрв’ю італьянскай газеце La Stampa.

Паводле яго слоў, маштаб падтрымкі аднаполых шлюбаў здзівіў нават ініцыятараў рэферэндуму. Як заўважыў прымас Ірландыі, вынік рэферэндуму вырашылі галасы маладых людзей, 90% якіх прагаласавалі «за», наведваючы ў дзяцінстве каталіцкія школы, адзначае gaudete.ru.

На думку іерарха, неабходна не толькі правесці змены ў маладзёжным душпастырстве. «Царква павінна задумацца над тым, калі адбылася гэтая культурная рэвалюцыя, і чаму некаторыя ў ёй, адмовіліся убачыць гэтыя змены», – заявіў ён.

Як паведамляла Крыніца, Ірландыя на ўсеагульным рэферэндуме 22 траўня прагаласавала за легалізацыю аднаполых шлюбаў. 62,1% прагаласаваўшых, або больш за 1,2 млн чалавек, падтрымалі прапанову аб тым, што «шлюб можа быць заключаны ў адпаведнасці з законам двума асобамі, незалежна ад іх полу». Супраць такога рашэння прагаласавалі 37,9% выбаршчыкаў – 734,3 тыс. чалавек.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
26.05.2015 У свеце| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты