Біскуп Станеўскі заклікаў вернікаў публічна вызнаваць і бараніць сваю веру

Станеўскі і бежмаваныяГрупа маладых вернікаў парафіі Святой Тэрэзы ад Дзіцятка Езус у Астрыне пад Шчучынам 24 траўня прыняла сакрамэнт канфірмацыі з рук дапаможнага біскупа Гродзенскай дыяцэзіі Юзафа Станеўскага.

Маладая парафія была ўтвораная біскупам Аляксандрам Кашкевічам у 1992 годзе, у 1996 годзе быў пабудаваны касцёл Божай Міласэрнасці. Звяртаючыся да вернікаў, біскуп Станеўскі заахвоціў іх не баяцца браць на сябе адказнасць за Касцёл, бо прыняты сакрамэнт робіць іх сталымі хрысціянамі і адначасова абавязвае публічна вызнаваць і бараніць сваю веру, паведамляе catholic.by.

Таксама біскуп Юзаф Станеўскі асвяціў новыя касцёльныя вітражы з выявамі святых і благаслаўлёных апекуноў парафіі.

У Шчучыне ў парафіі Святой Тэрэзы 22-23 траўня адбывалася падсумаванне чарговага навучальнага і катэхетычнага года перад вакацыямі. 22 траўня моладзь абрала лепшага міністранта і лепшую харыстку парафіі. На наступны дзень адбыліся асобныя рэкалекцыі для дзяцей і для іх бацькоў, якія правёў кс. Міхал Бубен з Маладзечна.

У Раготне пад Гродна 24 траўня 8рэлі дзяцей з парафіі Святых Анёлаў Ахоўнікаў упершыню прыступілі да святой Камуніі. Цягам двух гадоў дзяцей рыхтаваў да гэтага моманту пробашч кс. Віктар Захарэўскі.

У Ружанах у гэты дзень адбылося ўрачыстае далучэнне да Літургічнай службы алтара чатырох міністрантаў, якія на працягу многіх месяцаў рыхтаваліся да гэтай падзеі у якасці кандыдатаў.

 

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
26.05.2015 Навіны цэркваў| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты