У Мінску прайшоў Дзень зніклых дзяцей (фотарэпартаж)

дзень зніклых дзяцей 18У Мінску 25 мая пошукава-выратавальны атрад «Анёл» правёў у бары «ДК» на вуліцы Талбухіна, 4 квэсты на тэму, як сябе паводзіць дзіцяці, калі яно згубілася. Мерапрыемства было прымеркавана да Міжнароднага дня зніклых дзяцей.

Падчас квэстаў дзеці маглі даведацца, як правільна сябе паводзіць з незнаёмымі людзьмі і што рабіць, калі яны раптам згубяцца. Працаваў псіхолаг, з якім можна было пагутарыць як дзецям, так і бацькам, выступілі музыка Аляксандр Патліс і група «Тяни-толкай».

Скончылася мерапрыемства сімвалічным запальваннем свечак, закліканых паказаць згубленым дзецям дарогу дадому.

Міжнародны дзень зніклых дзяцей быў заснаваны па ініцыятыве Еўрапейскай федэрацыі па вышуку дзяцей, якія зніклі і апынуліся ахвярамі сэксуальнай эксплуатацыі. Такім чынам, арганізацыя паспрабавала прыцягнуць увагу грамадскасці да праблемы знікнення непаўналетніх.

Паводле інфармацыі міжнародных праваабаронцаў, у сярэднім у Еўропе штогод знікаюць больш за 70 тыс. хлопчыкаў і дзяўчынак. Штогод у органы ўнутраных спраў Беларусі паступае каля 2-2,5 тыс. заяў і зваротаў грамадзян аб невядомым знікненні дзяцей. За студзень-красавік 2015 года ў органы ўнутраных спраў паступіла 414 заяў аб невядомым знікненні дзяцей.

На 1 студзеня 2015 года, па дадзеных МУС, не знойдзеныя 58 дзяцей, з іх 36 – старэйшыя за 5 гадоў, 8 – ад 3 да 5 гадоў, 4 – ад 1 года да 3 гадоў.

Фота Надзеі Гацак

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
26.05.2015 Грамадства, Фотарэпартаж| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты