У Мінску п’яныя падлеткі на хаду выскачылі з машыны, уцякаючы ад ДАІ

1369743464

У Мінску п’яны непаўналетні вадзіцель і яго пасажыры выскачылі з машыны на хаду пры спробе ўцячы ад супрацоўнікаў ДАІ.

27 траўня ноччу супрацоўнікі ДАІ даведаліся, што па вуліцы Радужная кампанія распівае спіртное, а некалькі чалавек збіраюцца ехаць на аўтамабілі BMW. Інспектары запатрабавалі кіроўцу, які выязджаў са двара, спыніцца. Хлопец за рулём указанне праігнараваў і паспрабаваў ўцячы, паведамляе БЕЛТА.

На вуліцы Лесі Украінкі кіроўца знізіў хуткасць і разам з двума пасажырамі на хаду выскачыў з BMW. Машына працягвала ехаць і ўрэзалася ў прыпаркаваныя аўтамабілі Citroen і Peugeot. Пасажыры і кіроўца спрабавалі ўцячы, але былі затрыманыя.

Машынай кіраваў нецвярозы непаўнагадовы 1999 года нараджэння, пасажыры яго равеснікі. У дачыненні да кіроўцы складзена 4 адміністрацыйныя пратаколы: за кіраванне без правоў, за здзейсненае ДТЗ, за непадпарадкаванне законным патрабаванням, і за кіраванне машынай у нецвярозым стане.

Адміністрацыйныя матэрыялы будуць накіраваныя ў камісію па справах непаўналетніх для прыняцця рашэння.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
27.05.2015 Здарэнні| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты