Пад Ваўкавыскам і Салігорскам прайшлі сустрэчы веруючай моладзі

агроусальба СеляхиПраваслаўная моладзь – прыхаджане храма Георгія Пераможцы ў пасёлку Краснасельскі пад Ваўкавыскам 28 траўня разам з іерэем Віталём Вераб’ём выехалі на адпачынак у аграсядзібу «Сяляхі».

Праграма баўлення часу ўяўляла з сябе рухомыя і інтэлектуальныя гульні, пазнавальную экскурсію па аграсядзібе, а таксама духоўныя гутаркі за трапезамі, паведамляе orthos.org.

Актывісты праваслаўнага моладзевага брацтва святых Пятра і Фяўронні Мурамскіх з Салігорску 26 траўня прыехалі ў госці да выпускнікоў нядзельнай школы Пакроўскага прыходу вёскі Чыжэвічы пад Салігорскам.

Для гасцей быў арганізаваны паказ спектакля «Вялікодны колобок» лялечнага тэатра «Батлейка», а таксама сольны канцэрт саксафаніста – маладога верніка. Сустрэча завяршылася чаяваннем ў трапезнай, падчас якога быў выпрацаваны план правядзення сумесных дабрачынных і культурных акцыяў, паведамляе sluck-eparchiya.by.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі