Папа Францішак: “Няма чалавека – няма праблемы” – гэта логіка мафіі

папаПапа Францыск 30 траўня прыняў у Ватыкане удзельнікаў юбілейнай сустрэчы асацыяцыі «Навука і жыццё» з нагоды яе дзесяцігоддзя. Звяртаючыся да інтэлектуалаў, пантыфік падкрэсліў важнасць таго, што менавіта навука павінна служыць чалавеку, а не наадварот, а таксама адзначыў, што прагрэс грамадства вымяраецца не распаўсюджваннем тэхналогіяў, а здольнасцю абараняць і захоўваць жыццё, асабліва на самых уразлівых яе стадыях.

«Менавіта жыццё ў яго невымернай глыбіні спараджае і суправаджае ўвесь шлях навукі, менавіта цуд жыцця прыводзіць да крызісу некаторых формаў навуковай саманадзейнасці, – падкрэсліў Папа. – Хрыстос, святло чалавеку і святло свету, асвятляе шлях, каб навука заўсёды была веданнем, якое служыць жыццю. Калі гэтага святла не хапае, калі веда забываецца на кантакт з жыццём, яно робіцца бясплодным», паведамляе ru.radiovaticana.va.

Напярэдадні Папа Францыск ў Ватыканскім Доме Святой Марфы сустрэўся з дваццаццю цяжкахворымі дзецьмі, якіх суправадзілі іх бацькі, а таксама валанцёры і кіраўнікі каталіцкай арганізацыі дапамогі хворым «UNITALSI».

Звяртаючыся да маленькіх гасцей, пантыфік казаў пра тое, што тут, на зямлі, мы ніколі не зможам зразумець, чаму пакутуюць дзеці, а таксама выказаў захапленне мужнасцю і сілай духу іх бацькоў, асабліва тых, хто ў свой час адмовіўся рабіць аборт: «Ніколі, – падкрэсліў Папа, – ніколі праблема не вырашаецца ліквідацыяй чалавека. “Няма чалавека – няма праблемы» – гэта логіка мафіі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
01.06.2015 Навіны цэркваў| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты