Епіскап Антоній уручыў дыпломы выпускнікам сельскай нядзельнай школы

деревня ЧижевичиЕпіскап Слуцкі і Салігорскі Антоній 31 траўня прыехаў на выпускныя ўрачыстасці ў сельскую нядзельную школу ў Чыжэвічы. У Пакроўскім храме адбылося набажэнства аб выпускніках, здзейсненае настаяцелем пратаіерэем Мікалай Лабынькам.

Па заканчэнні набажэнства епіскап Антоній звярнуўся да выпускнікоў школы, бацькоў і выкладчыкаў з прывітальным словам. Свята працягнулася ў прыходскім доме, дзе ўладыка ўручыў дыпломы 41 выпускніку, а затым узяў удзел у святочным чаяванні, паведамляе sluck-eparchiya.by.

На Архірэйскім падворку ў Гродна заканчэнне навучальнага года святкавала нядзельная школа «Анелкi» Свята-Нікольскага храма. Па заканчэнні набажэнства настаяцель храма іерэй Мікалай Гайдук запрасіў бацькоў і дзяцей на святочную трапезу і майстар-клас па выразанні кветак з паперы, якімі потым дзеці ўпрыгожылі вокны нядзельнай школы, развітваючыся з ёй да верасня, паведамляе orthos.org.

У Наваполацку з нагоды заканчэння навучальнага года выхаванцы нядзельнай школы Міхайлаўскага прыхода зладзілі пікнік ў двары храма. Настаяцель пратаіерэй Аляксандр Шаховіч падарыў кожнаму выхаванцу кнігу, паведамляе eparhia992.by.

У сяле Крыўляны пад Жабінкай 28 траўня настаяцель Вазнясенскага храма ў Агародніках пратаіерэй Міхаіл Канцэвіч прыехаў з віншаваннямі да выпускнікоў сельскай школы, паведамляе ekklisia.by.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
02.06.2015 Навіны цэркваў| Тэгі: , , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты