Святар узяў удзел у IV паўмарафоне «Пераадолей сябе»

освящение милицииКіраўнік аддзела па ўзаемадзеянні з Узброенымі Сіламі і праваахоўнымі органамі праваслаўнай Гомельскай епархіі настаяцель Міхайлаўскага храма пратаіерэй Ігар Альшанаў узяў удзел у IV паўмарафоне на 22 км «Пераадолей сябе», арганізаваны 6 чэрвеня ваенна-транспартным факультэтам Гомельскага дзяржуніверсітэта пры падтрымцы БРСМ і арганізацыі «Белая Русь».

Паўмарафон быў прымеркаваны да 12-й гадавіны з дня ўтварэння факультэта, удзел узялі афіцэры і курсанты ваенна-транспартнага факультэта, курсанты Гомельскага інжынернага інстытута МНС, кадэты Гомельскага гарадскога кадэцкага вучылішча, байцы в/ч 5525 Унутраных войскаў, супрацоўнікі Упраўлення Следчага камітэта па Гомельскай вобласці . Вітаючы ўдзельнікаў, святар падкрэсліў: «Царква заўсёды вітала такія мерапрыемствы, бо яны развіваюць пачуцці згуртаванасці, здаровага спартыўнага саперніцтва, але, галоўнае, – гэта магчымасць праверыць ўласныя сілы”, паведамляе eparhiya.by.

У Салігорску 4 чэрвеня ва ўрачыстай атмасферы адбылося адкрыццё сёмай асобнай патрульнай роты в/ ч 3310 пры ўдзеле клірыка кафедральнага сабора Нараджэння Найсвяцейшай Багародзіцы іерэя Алексія Розава. «Дай Бог вам заўсёды атрымліваць перамогу над злом з боку тых, хто зробіць замах на свабоду і незалежнасць нашай Айчыны, на спакой і парадак на нашых вуліцах», – пажадаў святар, які пасля асвяціў рэканструяваны будынак і благаславіў вайскоўцаў, паведамляе sluck-eparchiya.by.

Сёстры прыходскага сястрынствя пры храме абраза Божай Маці “Усіх тужлівых Радасць” у Маларыце ў гэты дзень наведалі памежкамендатуру “Маларыта”, дзе паўтары гады таму  была асвечаная капліца Аляксандра Неўскага. Сёстры прыйшлі з асветніцкай праграмай “Дзякуй Богу за ўсе”, якая складалася з музычнай праграмы і гутаркі пра важнасць рэгулярнага Прычашчэння, паведамляе ekklisia.by.

Праз дзень прыходскія сёстры Мікалаеўскага храма наведалі байцоў райаддзела МНС.

У Слоніме 5 чэрвеня настаяцель храма Нараджэння Найсвяцейшай Багародзіцы ў вёсцы Міжэвічы пратаіерэй Дзімітрый Сёмуха павіншаваў з прафесійным святам і благаславіў меліяратараў Слонімшчыны, а таксама ўручыў дырэктару прадпрыемства меліярацыйных сістэмаў  «Слонімская ПМС» абраз Божай Маці з памятным надпісам, паведамляе eparhia.by.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
08.06.2015 Навіны цэркваў| Тэгі: , , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты