Моладзевыя арганізацыі хочуць прыцягнуць да вырашэння дэмаграфічных праблемаў

пролайфМежканфесійная пралайф-канферэнцыя «Перспектывы беларускага руху ў абарону жыцця» прайшла 6 чэрвеня ў Мінскім абласным інстытуце развіцця адукацыі. Канферэнцыя прысвячалася памяці Таццяны Тарасевіч, заснавальніка руху Пралайф Беларусь і інфармацыйна-аналітычнага партала www.pro-life.by, якая памерла год таму ва ўзросце 44 гадоў. Арганізатарамі выступілі грамадскае дабрачыннае аб’яднанне «Цэнтр падтрымкі сям’і і мацярынства «Матуля» і Дабрачынны фонд абароны жыцця і сям’і «Адкрытыя сэрцы».

Удзел у канферэнцыі ўзялі прадстаўнікі праваслаўнага, каталіцкага, пратэстанцкага і юдэйскага духавенства. Удзельнікі разгледзелі прававыя і юрыдычныя аспекты ўдзелу грамадзянаў у змене заканадаўства ў пытаннях абароны жыцця чалавека да нараджэння, а таксама абмеркавалі магчымасці прыцягнення моладзевых грамадскіх арганізацый да вырашэння сацыяльна-дэмаграфічных праблемаў у межах абвешчанага дзяржавай Года моладзі, паведамляе church.by.

У межах канферэнцыі адбылася прэзентацыя асветніцкай выставы 6для моладзі «Два шляхі», падрыхтаванай доктарам тэалогіі Уладзіславам Валаховічам, дырэктарам дабрачыннага фонду абароны жыцця і сям’і «Адкрытыя сэрцы».

Пасля пленарнага пасяджэння была праведзена майстэрня «пралайф ў 3D», у якой пры дапамозе мадэратараў, спецыялістаў па стварэнні брэнда, рэжысёраў і журналістаў была арганізавана праца па генераванні ідэй для розных відаў пралайф-рэкламы.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
08.06.2015 Грамадства| Тэгі: , , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты