Пад Салігорскам прайшоў моладзевы епархіяльны злёт

слет в СлуцкеУ вёсцы Абідземля пад Салігорскім з 5 па 7 чэрвеня праходзіў епархіяльны турыстычны злёт праваслаўнай моладзі, прысвечаны 1000-годдзю з дня смерці князя Уладзіміра і 70-годдзю Перамогі.

Удзел узяла моладзь з прыходаў Слуцкага, Любанскага, Салігорскага, Капыльскага і Нясвіжскага благачынняў. Кожнае благачынне прадставіла каманду з дванаццаці чалавек. Моладзевы лагер размясціўся блізу храма свяціцеля Мікалая Цудатворца, нядаўна асвечанага епіскапам Антоніем, паведамляе church.by.

Па ініцыятыве выкладчыка нядзельнай школы Ніны Міхайлавай напярэдадні злёту была выпушчаная фірмовая друкаваная прадукцыя. Першы дзень злёту адкрыўся ўзняццем сцяга пры ўдзеле настаяцеля храма Пакрова Прасвятой Багародзіцы ў вёсцы Хорастава іерэя Максіма Казлова і спаборніцтвамі па спартыўным арыентаванні і міні-футболе. У гэты ж дзень удзельнікі злёту прымалі гасцей – байкераў з Мінска, Слуцка і Салігорска, якія прыехалі разам з духавенствам шэрагу прыходаў. Усе ўзялі ўдзел у памінальнай літыі, адслужанай ля помніка спаленай у гады вайны вёсцы Хадыка.

У другі дзень злёту таксама прайшоў шэраг спаборніцтваў, а вечарам у намётавы гарадок прыехаў епіскап Слуцкі і Салігорскі Антоній, які далучыўся да агульнага вогнішча.

Напрыканцы злёту адбыўся фотаконкурс і конкурс на лепшы турыстычны лісток.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
09.06.2015 Навіны цэркваў| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты