АМАП Гомеля сарваў набажэнства ў Царкве Божай “Праабражэнне”

DmQjjlqRing

На пастара гомельскай Царквы Божай “Праабражэнне” Сяргея Нікалаенку і пецярых членаў царквы супрацоўнікі міліцыі склалі пратаколы і патрабуюць іх падпісаць.

Сяргей Нікалаенка распавёў КРЫНІЦА.INFO, што 31 траўня падчас нядзельнага набажэнства, якое праходзіла ў афіцыйна арандаваным памяшканні, у яго ўварваліся супрацоўнікі АМАП з відэакамерай, на якую яны здымалі ўсіх прысутных.

Богаслужэнне было спынена. Супрацоўнікі міліцыі сказалі, што нібыта паступіў тэлефонны званок з таксафона і тэлефанаваўшы паведаміў, што “тут нейкі натоўп праводзіць несанкцыянаванае мерапрыемства”.

На пастара царквы Сяргея Нікалаенку і пяць прыхаджан былі складзены пратаколы, пры гэтым ніхто ім не патлумачыў, за якое парушэнне.

“Супрацоўнікі міліцыі задавалі вернікам пытанні: “Чаму вы наведваеце гэтую царкву, а не нармальную або правільную?” Аказвалі псіхалагічны ціск на прысутных, ва ўсіх былі ўзятыя дадзеныя аб прапісцы, нумары тэлефонаў і асабістыя дадзеныя. Пасля гэтага ўсім загадалі пакінуць памяшканне”, – паведаміў пастар.

Праз тыдзень, у нядзелю 7 чэрвеня, пастару царквы паступіў безаблічны званок нібыта з міліцыі.
Той, хто тэлефанаваў не прадставіўся, але патрабаваў прыйсці ў аддзяленне і распісацца ў складзеным пратаколе аб адміністрацыйным правапарушэнні. Хто складаў пратакол, у чым менавіта складаецца правапарушэнне – не патлумачылі.

8 чэрвеня падобныя званкі сталі паступаць і іншым членам царквы. Але ў гэты раз патрабавалася прыйсці на допыт па нібыта ўжо крымінальнай справе ў дачыненні да пастара царквы. Пры гэтым, той хто тэлефанаваў, пагражаў, што калі яны не прыйдуць у аддзяленне міліцыі, то да іх будзе прыменена крымінальная адказнасць. Адна жанчына, член царквы, папрасіла ўдакладніць тэму допыту, на што ёй адказалі: “Чаму вы наведваеце гэтую царкву, а не нармальную?”

Рэлігійная абшчына хрысціян веры евангельскай Царква Божая “Праабражэнне” Гомеля мае рэгістрацыю з 2005 года, прайшла перарэгістрацыю ў 2012 годзе. Да гэтага інцыдэнту ніякіх заўваг з боку ўладаў не мела.

Пастар царквы Сяргей Нікалаенка і члены царквы лічаць усё тое, што адбылося “абуральным правапарушэннем канстытуцыйных правоў грамадзян Беларусі” і будуць адстойваць свае канстытуцыйныя правы на свабоду веравызнання.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
09.06.2015 Грамадства| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты