Уладальнік электрамабіля ў Гродне: незвычайная для Беларусі машына акупляе сябе за сем гадоў

get_img

Ідэя пакупкі такога аўтамабіля нарадзілася ў цяперашняга яго ўладальніка Леаніда з Гродна ў 2014 годзе, калі ў Беларусі адмянілі растаможку на дадзены тып транспартных сродкаў, паведамляе «Твой Стыль».

Уладальнік першага экалагічна чыстага аўтамабіля ў Гродне распавёў, што цана дадзенай машыны была ў межах разумнага, знайшлі яе ў ЗША, яна ўжо выкарыстоўвалася 2 гады. Гэты электрамабіль Nissan Leaf «прыплыў» трэці ў Беларусь, зараз менавіта такой маркі ўсяго 7.

Зараджаецца машына ад звычайнай разеткі 220 V. Час зарадкі парадкам 8 гадзін. Хапае акумулятара на дзень. Леанід адзначыў, што са з’яўленнем электрамабіля перамяшчэнне на гарадскім транспарце стала для яго вельмі дарагім. Праўда, стараецца далей, чым на 50 кіламетраў не выязджаць, бо ў Беларусі няма станцый, дзе можна было б хутка зарадзіць акамулятар за 30 хвілін. Такі транспарт не толькі танны, але і экалагічна чысты.

Nissan LEAF – электрамабіль японскага канцэрна Nissan, серыйна выпускаецца з вясны 2010 года. Сусветная прэм’ера адбылася на міжнародным Такійскім аўтасалоне ў 2009 годзе. Заказы на мадэль японскія і амерыканскія дылеры кампаніі пачалі прымаць 1 красавіка 2010 года.

У канцы лістапада 2010 Nissan LEAF быў абвешчаны першым сярод электрамабіляў пераможцам конкурсу “Еўрапейскі аўтамабіль 2011 года”(англ. European Car of the Year). У канцы красавіка 2011 Nissan LEAF быў таксама абвешчаны першым пераможцам конкурсу “Сусветны аўтамабіль 2011 года”.

Рэальныя паказчыкі выдаткаў ва ўмовах Гродна на 100 км: лета – 12 000 рублёў, зіма – 15 000 рублёў.
За 7 гадоў машына цалкам акупляе сябе. Эканомія ў год каля 2 тысяч долараў.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
09.06.2015 Цікава ведаць| Тэгі:


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты