Больш за палову жыхароў Беларусі ўжо не ўяўляюць сваё жыццё без тэлефона і інтэрнэту

images (1)

Больш за 50% беларусаў не ўяўляюць свой звычайны дзень без мабільнага тэлефона і інтэрнэту. Пра гэта сведчаць дадзеныя нацыянальнага сацапытання Інфармацыйна-аналітычнага цэнтра пры Адміністрацыі прэзідэнта.

52% апытаных паказалі на неабходнасць наяўнасці тэлевізара, 29,5% — адчуваюць штодзённую патрэбу ў выкарыстанні інтэрнэта. Друкаваныя СМІ, стацыянарны тэлефон і персанальны кампутар штодня неабходныя кожнаму пятаму жыхару Беларусі. Без радыёпрыёмніка і кнігі не могуць прадставіць свой дзень 14% апытаных.

Інтэрнэт-карыстальнікамі з’яўляюцца 64,5% грамадзян старэйшыя за 18 гадоў, палова з іх выходзіць у сетку практычна штодня, а 10% — штотыдзень. І толькі 4,5% карыстаюцца інтэрнэтам некалькі разоў на месяц. 41% людзей ва ўзросце 18-29 гадоў карыстаюцца інтэрнэтам штодня.

Палова з тых, хто карыстаецца інтэрнэтам штодня, знаходзіцца онлайн ад адной да трох гадзін, кожны пяты — ад трох да шасці гадзін штодня. Праводзяць у сетцы ад шасці да дванаццаці гадзін 7% рэспандэнтаў. Не карыстаецца онлайн-сэрвісамі альбо марнуе на іх нязначны час пятая частка карыстальнікаў інтэрнэту.

77,5% апытаных карыстальнікаў выходзяць у інтэрнэт з дапамогай персанальных кампутараў са стацыянарнымі мадэмамі. Кампутар з 3G-мадэмам выкарыстоўваюць 16% рэспандэнтаў. З дапамогай мабільных тэлефонаў і смартфонаў выходзяць у сетку 43%, выкарыстоўваюць для гэтых мэтаў планшэтныя прылады 12%.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
10.06.2015 Грамадства| Тэгі: ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты