На V з’ездзе лідараў сусветных і традыцыйных рэлігій асудзілі экстрэмізм

c6a325a95b49bf779f499630a0983df0_LГенеральны сакратар ААН Пан Гі Мун выступіў з асуджэннем рэлігійных экстрэмістаў. На V з’ездзе лідараў сусветных і традыцыйных рэлігій 10 чэрвеня ў Астане ён сказаў, што экстрэмізм здзяйсняецца “ІДІЛ”, “Бока харам”, “Аль-Шабаб”, “Аль-Каіда” і іншымі сектамі і тэрарыстычнымі групамі. Гэта не рэлігія, якая выклікала гвалт, а асобныя людзі, якія вырашылі выкарыстаць гвалт цынічным чынам, паведамляе яго словы ИНТЕРФАКС.

Пан Гі Мун адзначыў, што злачынствы, учыненыя ў імя рэлігіі, на самай справе з’яўляюцца злачынствамі супраць рэлігіі. Ён звярнуў увагу на асаблівую ролю рэлігійных лідараў у падтрыманні міру, якія могуць стварыць адзіную глебу для вырашэння праблем, звязаных з канфліктамі.

Прэзідэнт Казахстана Нурсултан Назарбаеў таксама назваў блюзнерствам выкарыстанне ісламу для апраўдання экстрэмізму і тэрарызму. Ён лічыць, што пагроза глабальнага тэрарызму ў сувязі з дзеяннямі баевікоў ІДІЛ перайшла ў больш небяспечную стадыю. Ён адзначыў, што пад уздзеяннем псеўдарэлігійных поглядаў баевікі наўмысна руйнуюць аб’екты культурнай спадчыны ў Іраку і Сірыі і распаўсюджваюць праз інтэрнэт кадры жахлівых пакаранняў смерцю прыхільнікаў іншых рэлігій, журналістаў і валанцёраў.

Назарбаеў сказаў, што трывожаць паведамленні аб пашкоджанні храмаў пры абстрэлах гарадоў і вёсак на ўсходзе Украіны і заклікаў рэлігійных дзеячаў распрацаваць меры па супрацьдзеянні экстрэмізму.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
10.06.2015 У свеце| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты