У Мінску экспануюць старажытныя друкаваныя, а ў Віцебску – сучасныя аўтарскія абразы

ченстоховская11 чэрвеня ў Нацыянальнай бібліятэцы ў галерэі “Лабірынт” на 3 паверсе адчынілася выстава “Дух рэлігійнай традыцыі і друкаваная ікона”. Экспанатамі сталі больш за 70 артэфактаў з фондаў Беларускага дзяржаўнага музея народнай архітэктуры і побыту і польскага Музея земляробства імя ксяндза К. Клюка ў горадзе Цехановец. Гэта хромалітаграфіі, надрукаваныя на мяжы XIX-XX ст. у еўрапейскіх друкарнях.

Сярод прадстаўленых праваслаўных і каталіцкіх хромалітаграфіяў – выбітныя друкі дарэвалюцыйных выдаўцоў Я. Фясенкі і І. Сыціна, а таксама трохмерны абраз  Божай Маці Чанстахоўскай, на якім, пры змене ракурсу, адкрываюцца тры выявы, паведамляе nlb.by.

Выстава “Дух рэлігійнай традыцыі і друкаваная ікона” будзе працаваць да 27 жніўня.

У віцебскай Ратушы 10 чэрвеня адбылася прэзентацыя выставы «Святочныя абразы», арганізаванай па выніках міжнародных майстар-класаў іканапісу ў Польшчы. У экспазіцыі прадстаўленыя 40 сучасных абразой, выкананых беларускімі, украінскімі і польскімі мастакамі.

Арганізатарамі выставы выступілі Польскі інстытут у Мінску і Віцебскі абласны краязнаўчы музей, абразы будуць экспанавацца да канца месяца, паведамляе blr.belta.by.

Аўтары ўзораў сучаснага іканапісу працуюць у розных тэхніках, ад тэхнікі наіўнага народнага мастацтва да абстракцыянізму, некаторыя майстры працягваюць сваёй творчасцю традыцыі класічнага іканапісу.

Іканапісцы з розных краінаў штовосень збіраюцца ў польскім гарадку Новіца, дзе ў межах міжнароднага праекта, запачаткаванага ў 2011 годзе, прадстаўляюць свае працы, удзельнічаючы ў  канферэнцыях і дыскусіях разам з мастацтвазнаўцамі і тэолагамі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
12.06.2015 Абвесткі, Навіны цэркваў| Тэгі: , , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой Падзейнік - добры падарунак да святаў

Абвесткі

Рубрыка

Спецпраекты