Епіскапы Павел і Серафім наведалі будучыя храмы

Павел храмЕпіскап Маладзечанскі і Стаўбцоўскі Павел 19 чэрвеня наведаў будаўнічую пляцоўку ў мікрараёне № 6 Маладзечна, дзе ўзводзіцца праваслаўны храм Раства Хрыстова. З ходам працаў уладыку азнаёміў настаяцель храма, кіраўнік місіянерскага аддзела і эканом епархіі пратаіерэй Мікалай Саўчук.

Будаўніцтва храма, пачатае ў 2000 годзе іерэем Віталём Стшалкам, першым настаяцелем маладога прыхода, абумоўленае актыўным ростам новабудоўляў у дадзенай частцы горада, заселенай гараджанамі узростам да 40 гадоў, паведамляе molod-eparchy.by.

Напярэдадні епіскап Бабруйскі і Быхаўскі Серафім ўзначаліў Боскую літургію ў будучым Пакроўскім храме ў вёсцы Чачэвічы пад Быхавам, пасля заканчэння якой павіншаваў з 50-годдзем настаяцеля храма іерэя Ігара Ляха і ўзнагародзіў яго за стараннасць падчас будаўніцтва правам нашэння камілаўкі, паведамляе bobruisk.hram.by.

У гэты ж дзень асвячэнне крыжа на месцы будаўніцтва будучага храма Пакрова Прасвятой Багародзіцы ў вёсцы Галавінцы пад Гомелем здзейсніў благачынны цэркваў Гомельскай раённай акругі пратаіерэй Сергій Леанькоў, паведамляе eparhiya.by.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі