Мітрапаліты Тадэвуш і Павел абмеркавалі візіт Патрыярха Кірыла ў Беларусь

ТрасценецМітрапаліт Мінскі і Заслаўскі Павел, Патрыяршы Экзарх усёй Беларусі, і мітрапаліт Мінска-Магілёўскі арцыбіскуп Тадэвуш Кандрусевіч, а таксама  Апостальскі Нунцый у Беларусі Клаўдыё Гуджэроцці ўвечары 22 чэрвеня пасля адкрыцця мемарыяльнага корпуса «Трасцянец» у Мінску, на якое былі запрошаныя прадстаўнікі Каталіцкай і Праваслаўнай Цэркваў, абмеркавалі вынікі візіта ў Беларусь Патрыярха Кірыла, які адбываўся 20-22 чэрвеня.

Удзел ва ўрачыстай цырымоніі ўзялі таксама каталіцкія святары кс. Дзмітрый Пухальскі і кс. Юрый Санько, паведамляе catholic.by.

Падчас цырымоніі адкрыцця гучаў перазвон званоў у выкананні кіраўніка аддзялення званароў Мінскага духоўнага вучылішча Багдана Бярозкіна, паведамляе church.by.

Манумент працы скульптара Канстанціна Касцючэнкі «Брама памяці», які ўяўляе з сябе 10-мятровую бронзавую кампазіцыю з выявамі вязняў канцлагеру, узведзены на месцы самага вялікага на тэрыторыі Савецкага Саюза канцэнтрацыйнага лагера, створанага нацыстамі падчас Вялікай Айчыннай вайны. Тут загінулі больш за 200 тысячаў чалавек – жыхароў Беларусі, Польшчы, Германіі, Аўстрыі, Чэхіі, Славакіі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
23.06.2015 Беларусь| Тэгі: , , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты