У Беларусі зацверджаны парадак выкарыстання сродкаў сямейнага капіталу на адукацыю

studenty_23_12_14У Беларусі зацверджаны парадак выкарыстання сродкаў сямейнага капіталу на атрыманне адукацыі. Адпаведнае рашэнне змяшчаецца ў пастанове Міністэрства адукацыі, якое зарэгістравана ў Нацыянальным рэестры прававых актаў 19 чэрвеня і ўступае ў моц пасля яго афіцыйнага апублікавання, паведамляе БЕЛТА.

Пастановай Мінадукацыі вызначана, што грамадзянін, у дачыненні да якога мясцовы выканаўчы і распарадчы орган прыняў рашэнне аб распараджэнні сродкамі сямейнага капіталу, можа выкарыстоўваць іх цалкам або часткамі на атрыманне адукацыі ім самім або членамі сям’і. Для гэтага трэба звярнуцца ў “Беларусбанк” па месцы жыхарства або па месцы адкрыцця дэпазітнага рахунку з адпаведнай заявай і дакументамі.

Сямейны капітал уведзены з 1 студзеня бягучага года. Гэта безнаяўныя грашовыя сродкі ў 10 тыс. долараў, якія прадастаўляюцца сем’ям для выкарыстання ў Беларусі ў поўным аб’ёме або па частках у безнаяўным парадку. Гэтыя грошы можна выкарыстоўваць на паляпшэнне жыллёвых умоў; атрыманне адукацыі; атрыманне паслуг у сферы сацыяльнага абслугоўвання, аховы здароўя; фарміраванне назапашвальнай (дадатковай) пенсіі маці (мачахі) у поўнай сям’і, аднаго з бацькоў у няпоўнай сям’і.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі