У Ерэване разам з пратэстуючымі на вуліцы выйшлі святары

ереванАрмянскія святары з першых дзён прысутнічаюць на акцыях пратэсту ў Ерэване. 23 чэрвеня да пратэстуючых далучыліся кіраўнік аддзела канцэптуальных палажэнняў Армянскай апостальскай царквы біскуп Баграт Галстанян і дырэктар Эчміадзінскіх музеяў іерэй Асахік Карапецян, на наступны дзень – кіраўнік Службы турэмных святароў ААЦ, кангрэгат Эчміадзінского манастыра библеіст Рубен Заргаран.

Шматлікія святары, якія знаходзяцца ў гушчы падзеяў, тлумачаць сваю прысутнасць жаданнем не дапусціць гвалту. Біскуп Галстанян заявіў прэсе аб тым, што ён выступае за здаровае грамадства, устрымаўшыся ад выказвання сваіх палітычных поглядаў, паведамляе blagovest-info.ru.

Разам са святарамі ў якасці жывога шчыта паміж барыкадамі і паліцэйскімі агароджамі знаходзяцца прадстаўнікі шоў-бізнэсу Арменіі, дэпутаты і палітычныя дзеячы.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі