Ватыкан і РПЦ абмеркавалі ўзаемадачыненні ў Беларусі

паролинДзяржсакратар Ватыкана кардынал П’етра Паралін 26 чэрвеня прыняў мітрапаліта Валакаламскага Іларыёна, старшыню Аддзела знешніх царкоўных сувязяў Маскоўскага Патрыярхата. Герархі абмеркавалі спектр пытанняў сферы ўзаемаадносінаў паміж праваслаўнымі і каталікамі ў Расіі, Украіне і Беларусі.

Старшыня АЗЦС падзяліўся ўражаннямі ад нядаўняга наведвання Беларусі ў складзе дэлегацыі, якая суправаджала Патрыярха Кірыла, і выказаў задавальненне пазітыўным развіццём праваслаўна-каталіцкіх адносін у гэтай краіне.

Мітрапаліт Іларыён і кардынал Паралін прызналі неабходнасць больш цеснага супрацоўніцтва дзвюх Цэркваў для пошуку рашэнняў урэгулявання сітуацыі на ўсходзе Украіны і ажыццяўлення дапамогі тым, хто апынуўся ў  нястачы, паведамляе mospat.ru.

Асаблівая ўвага была ўдзеленая становішчу на Блізкім Усходзе, дзе пераслед хрысціянаў і гуманітарная катастрофа дасягнулі беспрэцэдэнтных маштабаў.

У гэты ж дзень мітрапаліт Іларыён сустрэўся са старшынёй Папскай рады па справах сям’і арцыбіскупам Вінчэнцам Пальяй, у гутарцы з якім абмеркаваў магчымыя сумесныя дзеянні праваслаўных і каталікоў у справе абароны каштоўнасцяў традыцыйнай сям’і. Таксама арцыбіскуп Вінчэнца запрасіў мітрапаліта Валакаламскага да ўдзелу у Кангрэсе сем’яў, які пройдзе ў Філадэльфіі ў ЗША у верасні 2015 года.

Увечары таго ж дня мітрапаліт Іларыён сустрэўся са старшынёй Папскай рады па садзейнічанні хрысціянскаму адзінству кардыналам Куртам Кохам, у гутарцы з якім абмеркаваў вынікі пасяджэнняў Рэдакцыйнага камітэта Змешанай камісіі па багаслоўскім дыялогу паміж Праваслаўнай і Рыма-Каталіцкай Цэрквамі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
27.06.2015 У свеце| Тэгі: , , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты