Епіскап Пінскі ўзначаліў епархіяльныя чытанні

стефан писнкийПраваслаўна-краязнаўчыя чытанні “Да вытокаў сваіх вяртаемся”, прысвечаныя 1000-годдзю з дня смерці праваслаўнага святога князя Уладзіміра, адбыліся 25 чэрвеня ў духоўна-асветніцкім цэнтры “Вытокі” ў Пінскай гарадской бібліятэцы. Адным з дакладчыкаў стаў архіепіскап Пінскі і Лунінецкі Стэфан.

З дакладамі аб Ляшчынскім манастыры выступіў таксама настаяцель будучага храма Нараджэння Найсвяцейшай Багародзіцы пратаіерэй Георгій Мацкевіч. Краязнаўца і журналіст Вячаслаў Ільянкоў і яго дачка 11-класніца Станіслава распавялі пра царкоўна-археалагічныя старажытнасці Пінска перыяда ранняга хрысціянства на Палессі, суправадзіўшы аповяд электроннай прэзентацыяй. Настаяцель храма свяціцеля Мікалая Цудатворца ў Купяцічах пратаіерэй Анатоль Кавалько распавёў пра цудатворны абраз “Купяціцкі”, з’яўлены ў 1182 годзе, клірык Свята-Варварынскага сабора а. Сергій Рабы – пра святароў Піншчыны, пацярпелых у гады рэпрэсій, паведамляе pinskeparh.by.

Госць чытанняў – настаяцель Свята–Параскеўская царквы ў сяле Морачнае ў Ровенскай вобласці пратаіерэй Павел Дубінец – на роднай ўкраінскай мове прачытаў даклад аб Нобельскім Чацвёраевангеллі – найстаражытным помніку пісьменства Палесся.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
29.06.2015 Навіны цэркваў| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты