У Мінску прайшлі курсы па перадабортным кансультаванні

трупУ Мінску на базе Беларускай медыцынскай акадэміі паслядыпломнай адукацыі з 22 па 26 чэрвеня прайшлі курсы па перадабортному кансультаванню па праграме «Псіхалагічнае суправаджэнне цяжарных і перадабортное псіхалагічнае кансультаванне». Навучанне на курсах прайшоў 31 чалавек. Частка ўдзельнікаў была накіраваная на курсы аддзеламі сацыяльнага служэння і царкоўнай дабрачыннасці праваслаўных епархій БПЦ.

Падчас працы курсаў лекцыйныя і практычныя заняткі праводзілі выкладчыкі-псіхатэрапеўты кафедры псіхатэрапіі і медыцынскай псіхалогіі, а таксама спецыялісты Цэнтра падтрымкі сям’і і мацярынства «Матуля», паведамляе eparhiya.by.

У Лагойску 25 чэрвеня па благаславенні епіскапа Барысаўскага і Мар’інагорскага Веніяміна прайшоў семінар «Міжведамасны падыход медыцыны, псіхалогіі, духавенства ў пераадоленні дэмаграфічнай праблемы», ініцыяваны епархіяльнай Камісіяй па мацярынству і сям’і. Удзел у семінары ўзялі памочнік благачыннага Лагойскай царкоўнай акругі пратаіерэй Аляксандр Зімніцкі, духоўнік аддзела па мацярынству і сям’і, клірык кафедральнага сабора Уваскрэсення Хрыстова пратаіерэй Дзімітрый Дарашэнка, загадчыца жаночай кансультацыі Барысаўскай ЦРБ Юлія Пішчанка, заснавальнік валанцёрскага руху «Уваскрасенне» у абарону мацярынства Кацярына Русанава, паведамляе borisoveparhia.by.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі