Цэрквы ЗША не могуць сысціся ў меркаванні з нагоды аднаполых шлюбаў

крыжВялебны Дэн Мэт’юс з епіскапальную царквы Святога Лукі ў Атланце, заснаванай ў часы Грамадзянскай Вайны ў ЗША, заявіў у адной са сваіх пропаведзяў датычна легалізацыі ў краіне аднаполых шлюбаў: «Я думаю, што Бог хоча сказаць нам, што ён любіць любоў, і кропка» .

Але ў той час як многія вернікі амерыканцы разглядаюць вердыкт Вярхоўнага суда як адно з дасягненняў у барацьбе за грамадзянскія правы, іншыя лічаць, што дадзеным рашэннем суд патаптаўся па іх перакананнях.

«Пакуль Амерыка не абудзіцца духоўна, бітву за традыцыйны шлюб можна лічыць прайгранай, – гаворыцца ў прэс-рэлізе Паўднёвай Евангелічнай Семінарыі. – Цяпер пачынаецца бітва за свабоду веры».

Згодна з сацапытаннем, праведзеным даследчым цэнтрам «Pew Research Center», 62% пратэстантаў і 56% каталікоў падтрымліваюць аднаполыя шлюбы, аднак дадзеная лічба зніжаецца да 33% сярод афраамерыканскіх пратэстантаў і 27% сярод пратэстантаў-евангелістаў. Так, вялебны Джэймс Форд-малодшы з царквы Бібліі Хрыстовай ў Чыкага паведаміў у сваім інтэрв’ю на радыё WFLD, што разглядае шлюб як таямніцу, што робіцца выключна мужчынам і жанчынай.

У той жа час многія эксперты ў галіне права, у прыватнасці Роберт Шапіра, дэкан юрыдычнага факультэта універсітэта Эмары, лічаць, што рэлігійныя ўстановы ў Амерыцы ў дастатковай меры абаронены Першай папраўкай да Канстытуцыі і што «закон не дазваляе прымусіць рабіна або святара любой хрысціянскай дэнамінацыі праводзіць цырымонію, якую ён праводзіць не хоча. Такі быў закон да вердыкта Вярхоўнага Суда, такім ён застаўся і пасля».

Па матэрыялах FOX News.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі