Пастару з Паўночнай Ірландыі пагражае турэмны тэрмін за абразу ісламу

пасторЗаснавальніку буйной пратэстанцкай царквы «Whitewell Metropolitan Tabernacle», пастару з Белфаста Джэймсу МакКоннелу, пагражае да 6 месяцаў турэмнага зняволення за прамаўленне публічнай пропаведзі пра іслам, якую Ісламскі цэнтр Белфаста, што падаў пазоў супраць пастара, назваў вельмі абразлівай.

Таксама пастару інкрымінуецца распаўсюджванне сваёй пропаведзі ў сетках Інтэрнэт. Відэа, у якім гаворыцца: «Мусульманскі бог Алах – гэта паганскае боства. Алах – жорсткае боства. Алах – дэманічнае боства», сёння даступнае карыстальнікам, і гэта з’явілася, з гледзішча пракуратуры Паўночнай Ірландыі, парушэннем ірландскага закона аб СМІ, паведамляе sv.gatestoneinstitute.org.

Праваабаронцы звяртаюць увагу на той факт, што сказаныя публічна ў студзені гэтага года словы пазыўца, кіраўніка Ісламскага цэнтра Белфаста Райед аль-Ваззана, аб тым, што ўсталяваныя джыхадзістамі ІДІЛ ў Масуле законы добрыя, і што «з таго часу, як «Ісламская дзяржава» заваявала Масул, ён стаў найбольш мірным горадам у свеце», не выклікалі ніякіх санкцыяў з боку ірландскіх уладаў.

Пастар МакКоннелл не адмаўляецца ад сваіх словаў, хаця публічна папрасіў прабачэння перад мусульманамі, а таксама мае намер ператварыць судовы працэс у акт абароны свабоды слова і рэлігіі ў Паўночнай Ірландыі: «Мая царква сабрала сродкі медыцынскай дапамогі для 1 200 мусульманскіх дзяцей у Кеніі і Эфіопіі. Я ніколі не ненавідзеў мусульманаў, я ніколі не ненавідзеў каго-небудзь. Але я супраць таго, у што мусульмане вераць. Яны маюць права казаць тое, у што яны вераць. Я маю права гаварыць тое, у што я веру».

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
01.07.2015 У свеце| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты