Салігорскія братчыкі разабралі раздзел Евангелля і наведалі сіротаў

братчикиЧальцы салігорскага праваслаўнага моладзевага брацтва святых Пятра і Фяўронні Мурамскіх пры прыходзе кафедральнага сабора Нараджэння Найсвяцейшай Багародзіцы 28 чэрвеня ў Дзень моладзі прыйшлі ў госці да выхаванцаў гарадскога сацыяльна-педагагічнага прытулку.

Дзецям, якія па шэрагу прычынаў не могуць жыць са сваімі бацькамі, была прапанаваная спачатку духоўна-адукацыйная, а потым гульнявая праграма з фокусамі, паведамляе sluck-eparchiya.by.

У гэты ж дзень чальцы брацтва сустрэліся ў класе нядзельнай школы пры кафедральным саборы, дзе адбылася чарговая адукацыйная гутарка з клірыкам сабора пратадыяканам Андрэем Самуйлічам. Пад кіраўніцтвам святара падлеткі і маладыя людзі прааналізавалі 18 раздзел Евангелля ад Лукі, разабраўшы яго сюжэтныя паняцці – гонар як грэх, згубнасць ўплыву багацця.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі