Епіскап Слуцкі павіншаваў з 30-годдзем служэння салігорскага святара

РозовЕпіскап Слуцкі і Салігорскі Антоній 7 ліпеня накіраваў святочныя віншаванні з 30-годдзем святарскага служэння благачыннаму Салігорскай царкоўнай акругі, настаяцелю будучага сабора Нараджэння Хрыстова, ключніку кафедральнага сабора Нараджэння Найсвяцейшай Багародзіцы мітрафорнаму пратаіерэю Мікалаю Розаву.

“Прыміце шчырыя віншаванні з 30-годдзем Вашага пастырскага служэння на салігорскай зямлі, – гаворыцца ў пасланні герарха. – З самага пачатку знаходжання тут вы сталі працаваць на ніве царкоўнага адраджэння. Вашымі намаганнямі была адноўленая найстарэйшая з захаваных цэркваў Салігоршчыны – Пакроўскі храм у Чыжэвічах. Промыслам Божым у Салігорску вам даводзіцца выконваць няпростую і адказную місію – малады працоўны горад мае патрэбу ў асвеце словам Хрыстовай праўды”, паведамляе sluck-eparchiya.by.

Мікалай Розаў, продкі якога былі данскімі казакамі, прыехаў у Беларусь з Кемерава, дзе нарадзіўся ў сям’і лётчыка, там жа пачалося яго служэнне. У Мінска-Беларускую епархію а. Розаў прыехаў у сане іерэя, з’яўляючыся да таго настаяцелем Спаскага сабора ў Мінусінску ў Краснаярскім краі. Пасля пераезду ў Салігорск ён заняўся рэстаўрацыяй Пакроўскай царквы ў Чыжэвічах, па яго ініцыятыве былі пабудаваныя хрысцільны храм і будынак нядзельнай школы, у 1999 годзе ўзначаліў будаўніцтва храма Нараджэння Найсвяцейшай Багародзіцы, які ў 2014 годзе стаў кафедральным, удзельнічаў у адраджэнні храмаў у Тале, Скоўшыне, Хораставе, Гоцку, Краснадворцах.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
07.07.2015 Навіны цэркваў| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты