Макей: цыклічнасць ва ўзаемаадносінах з ЕС паўстала не па нашай віне

000253_977456Беларусь выступае за адэкватную ацэнку ўкладу краіны ў рэгіянальную і міжнародную бяспеку і стабільнасць. Пра гэта заявіў міністр замежных спраў Уладзімір Макей у інтэрв’ю праграме “Галоўны эфір” на тэлеканале “Беларусь 1“.

Ён сказаў, што цыклічнасць ва ўзаемаадносінах з ЕС узнікла “не па нашай віне і не з нашай падачы”. “Трэба зыходзіць з стратэгічнай ацэнкі і з стратэгічнага кантэксту адносін паміж краінамі ці паміж асобнай краінай і нейкімі рэгіянальнымі структурамі”, – дадаў ён.

Макей выказаў здагадку, што цяпер сітуацыя мяняецца, “і вельмі многія краіны, нашы еўрапейскія партнёры, нашы амерыканскія партнёры некалькі па-іншаму глядзяць на Беларусь”, – сказаў ён.

Адносна маючых адбыцца выбараў прэзідэнта Беларусі Макей заявіў, што перакананы, што яны пройдуць роўна, спакойна і максімальна празрыста, і што своечасова прыедуць міжнародныя назіральнікі і актыўна будуць ажыццяўляць працэс назірання. Ён адзначыў гатоўнасць да таго, каб выбары прайшлі без усялякіх праблем, таму што гэта “абсалютна ў інтарэсах улады”.

Таксама міністр замежных спраў Беларусі заявіў, што не варта драматызаваць сітуацыю з турбулентнымі працэсамі ў Еўрапейскім саюзе.

Ён канстатаваў, што некаторыя эксперты прагназуюць дэвальвацыю еўра, і тады беларускія тавары могуць падаражэць у параўнанні з еўрапейскімі. Але гэта можа быць і плюсам, бо “мы зможам закупляць па больш нізкіх коштах высокатэхналагічнае абсталяванне з Еўропы”, – сказаў міністр.

Уладзімір Макей нагадаў, што перад Беларуссю стаіць задача па дыверсіфікацыі гандлёва-эканамічных адносін. У цяперашні час ідзе актыўная праца над прасоўваннем беларускай прадукцыі на рынкі краін далёкага замежжа. Пастаўлена задача па зніжэнні сабекошту нашай прадукцыі, па павышэнню якасці прадукцыі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
13.07.2015 Грамадства| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты