Хрысціяне далучыліся да мусульманскіх фарміраванняў, каб вызваліць Ірак ад ІДІЛ

iraqi-christiansІрацкі ўрад пры падтрымцы шыіцкага апалчэння з Ірана пачатак буйнамаштабную ваенную аперацыю па выцясненні баевікоў ІДІЛ з правінцыі Анбар на захадзе краіны.

Каля тысячы іракскіх хрысціян, якія жадаюць адпомсціць ІДІЛ за адабраную зямлю і забітыя сем’і, стварылі сваё апалчэнне, заяўляючы, што гатовыя ваяваць у адным страі са сваімі «мусульманскімі братамі», таксама пацярпелымі ад рук тэрарыстаў.

Раян Аль-Кілдані, баец «Вавілонскіх брыгад», хрысціянскага падраздзялення Народных мабілізацыйных сіл (пераважна шыіцкага апалчэння), заявіў у сваім інтэрв’ю NBC News: «Баявікі ІДІЛ не робяць ніякіх адрозненняў паміж хрысціянамі і мусульманамі, сунітамі і шыітамі – яны забіваюць ўсіх».

Іракскія хрысціяне паведамляюць, што адчуваюць сябе пакінутымі цэнтральным урадам і сцвярджаюць, што іх цяперашняе жаласнае становішча з’яўляецца вынікам больш чым дзесяцігадовага пераследу хрысціянаў у Іраку.

Афра Кадо, асірыйскі хрысціянін, які змагаецца ў апалчэнні, адзначыў, што добраахвотнікі не атрымліваюць амаль ніякай дапамогі ад урада. Снаражаюцца байцы за кошт ахвяраванняў адзінаверцаў, якія жывуць у краіне і за мяжой.

Многія мясцовыя хрысціяне скардзяцца на тое, што пры пагрозе сутыкнення з фарміраваннямі ІДІЛ урадавыя войскі пакідалі буйныя гарады, фактычна кідаючы іх жыхароў, у тым ліку і буйныя хрысціянскія абшчыны, на волю лёсу.

Аднак у іракскім грамадстве існуюць і іншыя настроі. Так, Абу Ясер, адстаўны афіцэр іракскай арміі, які цяпер змагаецца ў шэрагах апалчэння, адзначае, што ў часы Садама Хусейна хрысціяне і мусульмане змагаліся поруч. «Хрысціяне гадамі жылі побач з мусульманамі, – заяўляе Ясер. – Мы п’ем з адной ракі і ямо аднолькавую ежу; так працягвалася стагоддзямі. На поле бою ты забываеш хто ты, якога ты веравызнання. Ты думаеш толькі пра тое, як перамагчы ворага».

Па матэрыялах Christian Post і Fox News.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
14.07.2015 У свеце| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты