Маладыя беларускія каталікі атрымалі першую перамогу на парафіядзе ў Варшаве

варшаваКаманда беларускай каталіцкай моладзі, у якую ўвайшлі прадстаўнікі 20 парафіяў з Гродзеншчыны, бяруць удзел у Міжнароднай парафіядзе дзяцей і моладзі, якая распачалася 12 ліпеня ў Варшаве ў санктуарыі Маці Божай Настаўніцы моладзі. У першы ж дзень беларусы перамаглі ў эстафеце бегуноў, прысвечанай памяці святога Яна Паўла ІІ.

Маладыя вернікі з гродзенскай парафіі Найсвяцейшай Панны Марыі Вастрабрамскай Маці Міласэрнасці з Аўгустоўка перамаглі ў эстафеце дыстанцыяй 5х31 метр, паведамляе catholic.by.

Парафіяда, якая сабрала 1 500 удзельнікаў з усёй Еўропы, працягнецца да 18 ліпеня.

У Слоніме з  5 па 9 ліпеня пры парафіі Безаганнага Зачацця Найсвяцейшай Панны Марыі прайшлі “Канікулы з Богам” для моладзі, якая займаецца спортам. Арганізатарам мерапрыемства сталі душпастыр спартсменаў кс. Артур Малафей і трэнерскі штаб футбольнага клуба «Слонім».

Удзельнікі са Слоніма, а таксама з Гродна і Ліды, штодня ўдзельнічалі ў Святой Імшоы, пасля трэніраваліся на футбольным полі «Белтрансгаз» пад кіраўніцтвам прафесійных спартсменаў.  8 ліпеня адбыўся таварыскі матч паміж камандай моладзі «Душпастырства спартсменаў» і зборнай з Гродна, якая адмыслова прыехала ў Слонім пад кіраўніцтвам кс. Антонія Абухоўскага і трэнера Марэка Занавескага.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
14.07.2015 Навіны цэркваў| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты