У Беларусі забаранілі рэкламу гарэлкі пад выглядам пітной вады

водка - водаУ Беларусі забаранілі рэкламу гарэлкі пад выглядам пітной вады. Увядзенне забароны на рэкламу парасонавых брэндаў вытворцаў алкаголю і тытуню ў краіне прадугледжана законам ад 10 ліпеня 2015 года №285-З «Аб унясенні змяненняў і дапаўненняў у Закон Рэспублікі Беларусь «Аб рэкламе». Дакумент апублікаваны 14 ліпеня на Нацыянальным прававым інтэрнэт-партале.

У законе сказана, што рэклама, якая падобная да рэкламы алкаголю, не дапускаецца ў месцах, дзе забаронена размяшчэнне (распаўсюджванне) рэкламы алкагольных напояў. Нельга рэкламаваць прадукцыю названым спосабам і падчас культурных, спартыўных, адукацыйных і іншых гуманітарных мерапрыемстваў.

Рэклама, якая падобная да рэкламы тытуневых вырабаў, недапушчальная.

Выключэннем з гэтага правіла з’яўляюцца выпадкі, калі рэклама ўяўляе сабой дадзеныя аб арганізацыі, грамадзяніне, вытворчым або гандлевым аб’екце, а таксама іншым аб’екце абслугоўвання. Гэта актуальна для выпадкаў, калі рэклама размяшчаецца (распаўсюджваецца) на паказальніку (шыльдзе) або выраблена ў фармаце інтэрв’ю, дзе распавядаецца аб дзейнасці асобы або арганізацыі.

Закон уступае ў сілу праз тры месяцы пасля таго, як ен быў афіцыйна апублікаваны.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
14.07.2015 Беларусь| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты