Вернікі з Салігорска здзейснілі веласіпедную пілігрымку ў Чанстахову

чэнстаховаВернікі-каталікі, у т.л. чатыры францысканскія манахі, якія 14 чэрвеня вырушылі з Салігорска ў польскую Чанстахову, пераадолелі адлегласць ў 930 кіламетраў. Удзел у пілігрымцы ўзяў 21 вернік.

Пілігрымы выехалі з Салігорска пасля нядзельнай Святой Імшы ў касцёле святога Францішка. У першы дзень яны праехалі 91 км да вёскі Сіняўкі, дзе заначавалі ў  намётах. Цягам другога дня пілігрымы дабраліся да дзіцячага санаторыя “Сасновы Бор”, якому прывезлі ў падзяку за гасціннасць падарункі, – новы спартыўны інвентар. Цягам трэцяга дня пілігрымы наведалі па дарозе касцёлы ў Івацэвічах і Косаве, а таксама Косаўскі і Ружанскі замкі, пасля чаго спыніліся ў дамах ружанскіх каталікоў з парафіі Святой Троіцы, разам з якімі маліліся за Святой Імшой, паведамляе catholic.by.

У наступныя дні пілігрымы начавалі ў Свіслачы, а далей – у Польшчы, у парафіі Божага Провіду ў Міхалова, у Бельску Падляскім, у Лосіцах, у Волі Гулоўскай, дзе ў старадаўнім санктуарыі кармелітаў 1548 года знаходзіцца цудадзейны абраз Маці Божай і ў Зволені, дзе адбылася супольная вечарына з мясцовымі аматарамі веласіпедаў.

Таксама пілігрымы пабывалі ў Шыдлоўцы, бліз якога знаходзіцца кляштар сясцёр кларысак, якія прывіталі беларусаў, у Радошыцах, у вёсцы Святая Ганна, дзе месціцца санктуарый святой пры кляштары сясцёр дамініканак. На трынаццаты дзень веласіпедысты прыбылі ў санктуарый Маці Божай Чанстахоўскай, дзе 26 чэрвеня адбылася Святая Імша беларускай групы перад цудадзейным абразом Маці Божай, якую ўзначаліў пробашч салігорскай парафіі а. Сабеслаў Тамаля OFM.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
14.07.2015 Навіны цэркваў| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой Падзейнік - добры падарунак да святаў

Абвесткі

Рубрыка

Спецпраекты