Беларусы працягваюць перамагаць на парафіядах у Варшаве і ў Івянцы

парафиядаКаталіцкая моладзь з парафіяў Гродзеншчыны, якая ўдзельнічае ў 27-ай Міжнароднай парафіядзе дзяцей і моладзі, што працягнецца ў Варшаве да 18 ліпеня, 14 ліпеня атрымала чарговыя ўзнагароды.

Чарговымі пераможцамі сталі юныя каталікі з парафіяў Гродна-Аўгустоўка і Росі, якія занялі першыя тры месцы па шашках ў ліцэйскай і гімназічнай катэгорыях, 1 і 3 месцы ў конкурсе рэлігійных ведаў ў ліцэйскай катэгорыі, а таксама 3 месцы па арыентыровачным бегу ў ліцэйскай і гімназічнай катэгорыях, паведамляе catholic.by.

Ад Беларусі ў Міжнароднай парафіядзе ўдзельнічаюць прадстаўнікі 20 парафіяў Гродзеншчыны.

У Івянцы працягваецца VI Парафіяда Мінска-Магілёўскай архідыяцэзіі. 15 ліпеня другі дзень Парафіяды пачаўся Святой Імшой, якую ўзначаліў кс. Юзаф Сярпейка. У гэты дзень, насуперак дажджу, адбыліся спаборніцтвы па бегу на кароткую і доўгую дыстанцыю, міні-футболе і валейболе, настольным тэнісе. Таксама быў праведзены тэматычны конкурс малюнка “На Беларусі Бог жыве!”. Напрыканцы дня каманды паказалі загадзя падрыхтаваныя тэатральныя пастаноўкі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
15.07.2015 Навіны цэркваў| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты