Іспанцы ўзмацнілі меры бяспекі ў знакамітых саборах

компостеллаУ каталіцкіх саборах Іспаніі ўводзяцца ўзмоцненыя меры бяспекі для прадухілення магчымых тэрактаў.

Дырэктар па бяспецы сабора Сант’яга і Альмудэна ў Мадрыдзе Рыкарда Санс растлумачыў: «У нашай краіне 69 сабораў. Паколькі нашай мэтай з’яўляецца забеспячэнне бяспекі асобаў, якія наведваюць саборы, мы, у першую чаргу, павінны засяродзіцца на самых папулярных саборах. Гэта Альмудэна і сабор Сант’яга-дэ-Кампастэла», – паведамляе religionconfidencial.com.

Штогод сабор Сант’яга наведваюць 4 мільёны чалавек, Альмудэна -2 мільёны. З гэтага часу ўнутраная ахова сабораў будзе ўвесь час ўзаемадзейнічаць з паліцыяй і грамадзянскай гвардыяй.

«Міністэрства ўнутраных справаў павысіла ўзровень небяспекі з 3 на 4. Максімальны ўзровень небяспекі ў дадзеным выпадку – 5», – кажа Санс, які пералічвае тры магчымыя пагрозы: напад джыхадзістаў, атакі прыхільнікаў левых груповак, вандалізм.

У Іспаніі знаходзяцца 22 святыні, абвешчаныя Сусветнай спадчынай ЮНЕСКА. Аб’ектам нападаў могуць таксама стаць сотні тысячаў людзей, якія наведваюць каталіцкія школы і сацыяльныя сталовыя пры парафіях.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі