Абвешчаны запіс у пілігрымку ў гонар сясцёр-пакутніцаў з Навагрудку, а таксама ў экуменічную ў Вільню

сестра СтеллаУ шосты раз з  25 па 31 ліпеня адбудзецца пешая пілігрымка ў Навагрудак да месца пакутніцкай гібелі 11 каталіцкіх сясцёр-назарэтанак, растраляных у 1943 годзе заместа закладнікаў-вяскоўцаў. Пілігрымы пад кіраўніцтвам кс. Віталія Сідоркі і кс. Дзмітрыя Дубовіка вырушаць у шлях 25 ліпеня ад касцёла Найсвяцейшага Адкупіцеля ў Гродне ў мікрараёне Дзевятоўка пасля Святой Імшы, якая распачнецца  ў 8.45.

У Навагрудку 31 ліпеня ў 17.00 адбудзецца Святая Імша на месцы гібелі благаслаўлёных назарэтанак у Батароўскім лесе ля горада. У ноч на 1 жніўня ў касцёле Перамянення Пана (у Белай Фары) адбудзецца  Начное чуванне і Святая Імша у 4.30 – час растрэлу сясцёр, паведамляе grodnensis.by.

З 7 па 10 жніўня адбудзецца чарговая пешая пілігрымка па маршруце Гродна – Рось праз Квасоўку, Вялікія Эйсманты і Рэплю (працяг шляху 75 кіламетраў) ў санктуарый Ісуса Журботнага, дзе ў галоўным алтары месціцца цудатворная 400-гадовая фігура ісуса Журботнага. Арганізацыйная сустрэча для пілігрымаў адбудзецца 5 жніўня ў 20.00 у парафіяльным касцёле ў Гродна-Паўднёвым.

18-25 жніўня адбудзецца XXIII экуменічная пілігрымка ў санктуарый Маці Міласэрнасці ў Вільне па маршруце Беласток-Гродна-Вільня. Да ўдзелу запрашаюцца беларусы, якія маюць візу.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі