У Калумбіі натоўп меўся здзейсніць самасуд над забойцай святара

колумбияУ калумбійскім горадзе Мантэрыя 15 ліпеня ў рызніцы перад пачаткам Святой Імшы быў забіты пажылы святар Луіс Леон Перэйра, які служыў у горадзе 48 гадоў.

Злачынца трапіў у царкву з мэтай рабавання і расправіўся са святаром, застаўшы яго ў царкве. Затым ён бег, але на вуліцы быў схоплены натоўпам мясцовых жыхароў, якія мелі намер зладзіць над ім самасуд. Адбыліся сутыкненні паміж імі і прыбылай паліцыяй. Больш за сто паліцэйскіх былі вымушаныя ўмяшацца, каб звезці забойцу, паведамляе ru.radiovaticana.va.

Біскуп выказаў смутак у сувязі з частымі злачынствамі ў гэтым горадзе і ва ўсёй краіне, назваўшы іх следствам маральнай і грамадскай дэградацыі. Напярэдадні свята Найсвяцейшай Панны Кармельской біскуп заклікаў вернікаў быць стрыманымі ў народных святах на знак памяці пра загінулага святара.

На наступны дзень у Севіллі 75-гадовы святар Карлас Марцінес Перэс быў забіты на парозе свайго дома па вяртанні са Святой Імшы ў кляштары святога Леандра. Святар памер ад удару нажом, нанесенага мужам яго пляменніцы, які пад вечар быў арыштаваны і дастаўлены ў псіхіятрычную бальніцу.

Забойца Перэса абвінавачвае сваю ахвяру ў тым, што святар стаў «правалам яго шлюбу».

Айцец Карлас Марцінес быў доктарам гістарычных навук, магістрам эканомікі, геаграфіі і гістарычных навукаў, а таксама парафіяльным святаром у трох парафіях – святых Ісідара, Ільдэфонса і Жака і капеланам у кляштары святога Леандра.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі