У Беларусі змяняюцца ўмовы выхаду грамадзян з долевага будаўніцтва

IMG_20150619_140440

У Беларусі змяняецца парадак вяртання грошай грамадзянам пры іх выхадзе з долевага будаўніцтва, спыненні членства ў арганізацыі забудоўшчыкаў і скасаванні дагавораў куплі-продажу жылых памяшканняў, пабудаваных па дзяржзаказу. Новы парадак замацаваны пастановай Савета Міністраў №606 ад 17 ліпеня, апублікаваным 22 ліпеня на Нацыянальным прававым інтэрнэт-партале. Дакументам унесены змяненні ў пастанову ўрада №6 ад 8 студзеня 2014 года.

Асноўная задача новай пастановы – збалансаваць ацэнку узносаў грамадзян падчас будаўніцтва жылля і тых сум, якія ім выплачваюць, калі яны выходзяць з адпаведнага праекта. Для гэтага ўведзены новы каэфіцыент індэксацыі сумы, якая падлягае да вяртання – стаўка рэфінансавання Нацбанка. Раней, калі чалавек ўмоўна уносіў у будаўніцтва 100 млн рублёў, то пры выхадзе з яго чалавек атрымліваў 90 млн рублёў.

 
Каб грамадзяне не неслі страт, уведзены пералік па стаўцы рэфінансавання, з моманту ўнясення сродкаў дольшчыкам, членам арганізацыі забудоўшчыкаў да даты іх вяртання па спецыяльнай формуле. Напрыклад, калі чалавек уносіць тыя ж 100 млн рублёў і праз год выходзіць з будаўніцтва, то ён атрымае суму, памножаную на стаўку рэфінансавання плюс пэўны каэфіцыент. Такім чынам яго выдаткі будуць кампенсаваныя.

 
Пералік унесеных сум вядзецца па кожнай крыніцы фінансавання асобна з улікам даты паступлення грашовых сродкаў на спецыяльны, бягучы рахунак забудоўшчыка.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
22.07.2015 Беларусь| Тэгі: ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты