Лукашэнка пра палітвязня Статкевіча: калі яго выпускаць, то да выбараў

статкевічПытанне аб вызваленні палітвязня, былога кандыдата  ў прэзідэнты Мікалая Статкевіча, асуджанага ў 2011 годзе на 6 гадоў калоніі ўзмоцненага рэжыму, можа быць вырашана ў бліжэйшы час. Аб гэтым 4 жніўня заявіў Аляксандр Лукашэнка  ў інтэрвью тром незалежным СМІ “Еўрарадыё”,  TUT.BY і “Радыё Свабода”.

“Я не стану хітрыць, гэта пытанне ў парадку дня. Вырашыць гэта магу толькі я”, – цытуе Лукашэнку “Еўрарадыё”.  “Але я не вызначаўся, калі гэта будзе, – працягнуў разважанні перад журналістамі пра Статкевіча беларускі кіраўнік. – Я гэтае пытанне ў такім ключы не разглядаў. Калі яго выпускаць, то выпускаць да выбараў. Калі не выпускаць, то не выпускаць. У бліжэйшы час вы будзеце пра гэта ведаць. Калі іншы варыянт, то часу шмат”.

Разам з тым Лукашэнка расказаў, што даваў  Статкевічу магчымасць напісаць прашэнне аб памілаванні: “Ён хоча быць у турме і выйсці адтуль героем. Я яму даю такую магчымасць, а вы кажаце выпусціць. І што мне рабіць? Я магу выпусціць, калі чалавек звернецца да мяне з прашэннем, але ён не звяртаецца, таму што хоча быць героем”.

Кандыдат у прэзідэнты Беларусі на выбарах 2010 года Мікалай Статкевіч быў асуджаны на 6 гадоў калоніі ўзмоцненага рэжыму за арганізацыю масавых беспарадкаў. Міжнародная праваабарончая арганізацыя Amnesty International прызнала Статкевіча вязнем сумлення. На вызваленні апазіцыйнага палітыка настойваюць Еўрасаюз і ЗША.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
04.08.2015 Грамадства| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты