Епіскап Слуцкі падлеткам з клуба “Патрыёт”: Быць стойкімі і дзейнічаць па любові да Бога

антонийЕпіскап Слуцкі і Салігорскі Антоній 3 жніўня прыехаў у размяшчэнне 969 базы рэзерву танкаў вайсковай часткі 42715 у пасёлку Урэчча пад Любанню, дзе праходзіць праваслаўны ваенна-патрыятычны летнік «Патрыёт».

Звяртаючыся да 45-ці юных удзельнікаў летніка, епіскап Антоній пажадаў ім быць сапраўднымі ваярамі Хрыстовымі і патрыётамі Айчыны – “стойкімі ў выпрабаваннях і дзейнічаць па любові да Бога і людзей”, а таксама ўручыў падлеткам невялікія абразкі з абліччам князя Уладзіміра і благаслаўленнем  патрыярха Маскоўскага і ўсяе Русі Кірыла, паведамляе sluck-eparchiya.by.

Летнік «Патрыёт» з’яўляецца сумесным праектам аддзелам адукацыі Любанскага райвыканкама і Нікольскага прыхода ва Урэччы. Па ініцыятыве арганізатара і духоўніка лагера настаяцеля прыхода протаіерэя Аляксандра Драгуна  ў гэтым годзе летнік праводзіцца ў дзевяты раз.

У аздараўленчым летніку «Журавушка» для дзяцей салігорскіх шахцёраў па ініцыятыве настаяцеля храма Пакрова Прасвятой Багародзіцы ў вёсцы Чыжэвічы пратаіерэя Мікалая Лабынькі 1 жніўня была арганізаваная адмысловая праграма, якая пазнаёмілаь з праваслаўем. Дзеці пабывалі на экскурсіі ў найстарэйшым на Салігоршчыне Пакроўскім храме, прачыталі і абмеркавалі апавяданні пісьменніка Барыса Ганагі, паглядзелі спектакль «Батлейкі» і самі павучыліся быць акцёрамі.

У дзіцячы летнік «Вясёлка» пад Карэлічамі 3 жніўня прыехалі пратаіерэй Алег Сушко і іерэй Фёдар Лукашэвіч з вёскі Цырын і пасёлка Мір, якія распавялі дзецям пра прарока Божага Іллю і культ абраза Божай Маці «Пачаеўскай», пасля чаго а. Алег Сушко прадставіў невялікую праграму духоўных аўтарскіх песень пратаіерэя Алега Скоблі, паведамляе eparhia.by.

Моладзь з брацтва Мікольскага храма архіерэйскага падворку ў Гродне з 31 ліпеня па 1 жніўня ажыццявіла турыстычную вандроўку ў вёску Вярхволле пад кіраўніцтвам духоўніка брацтва іерэя Віктара Калацкага, паведамляе orthos.org.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
05.08.2015 Навіны цэркваў| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты