У дзень ПДВ былыя дэсантнікі прынеслі сіротам падарункі

вдвКлірык праваслаўнага Пакроўскага храма ў вёсцы Чыжэвічы пад Салігорскам пратаіерэй Дзмітрый Васільеў 2 жніўня, у дзень свята Ваенна-дэсантных войскаў, здзейсніў паніхіду ў вёсцы Чапелі ля магілы загінулага ў Афганістане воіна Савецкай Арміі Алега Лявіцкага. За набажэнствам маліліся воіны-дэсантнікі, пасля чаго адбыўся мітынг-рэквіем.

У гэты ж дзень клірык салігорскага кафедральнага сабора Нараджэння Найсвяцейшай Багародзіцы пратаіерэй Ігар Гайдукоў разам з удзельнікамі набажэнства наведаў малых- “адмоўнікаў” у Салігорскай цэнтральнай раённай бальніцы, дзе госці ўручылі сабраныя імі падарункі, а святар – абразы прарока Іллі ад імя благачыннага Салігорскай акругі пратаіерэя Мікалая Розава, паведамляе sluck-eparchiya.by.

У гэты ж дзень старшыня аддзела па ўзаемадзеянні з Узброенымі Сіламі Барысаўскай епархіі пратаіерэй Аляксандр Цэлкаў благаславіў на служэнне воінаў-дэсантнікаў 5-ай асобнай брыгады спецыяльнага прызначэння ў Мар’інай Горцы, уручыўшы частцы абраз прарока Іллі, паведамляе borisoveparhia.by.

У Рэчыцы памінальную літыю ля помніка ветэранам лакальных войнаў і ўзброеных канфліктаў, за якой маліліся былыя байцы ПДВ і іх маладыя пераемнікі, здзейсніў клірык гарадскога Успенскага сабора іерэй Мікалай Савасцьянаў. Па заканчэнні літыі былі ўскладзеныя вянкі і кветкі, а таксама адбылася канцэртная праграма “Ніхто, акрамя нас” і выступ парашутыстаў, паведамляе eparhiya.by.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
05.08.2015 Навіны цэркваў| Тэгі: , , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты