У вёсцы пад Салігорскім адраджаюць разбураны храм

антонийЕпіскап Слуцкі і Салігорскі Антоній 12 жніўня асвяціў купал і крыж праваслаўнага храма Звеставання Найсвяцейшай Багародзіцы, што аднаўляецца з руінаў ў сяле Старыя Цярушкі пад Салігорскам.

Па заканчэнні богаслужбы епіскап Антоні, а таксама сакратар Слуцкага епархіяльнага ўпраўлення пратаіерэй Мікалай Лабынька і настаяцель храма пратаіерэй Дзімітрый Васільеў прыклаліся да купала храма, паведамляе sluck-eparchiya.by.

Звяртаючыся да вернікаў, частка якіх рэгулярна ўносіць лепту ў адбудову храма, епіскап Антоній выказаў надзею, што ў адроджаным храме заўсёды будзе цяпліцца малітва, а таксама асабліва падзякаваў тым, хто дапамагае яго адбудоўваць. Усе вернікі атрымалі на памяць ад уладыкі абразкі Святой Тройцы.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі