У Мінюсце пакуль не могуць адказаць, ці зарэгістравалі БХД

5 з'езд БХД_39Хаця пасля падачы дакументаў для рэгістрацыі партыі “Беларуская Хрысціянская Дэмакратыя” прайшло ўжо больш за месяц, Міністэрства юстыцыі Беларусі дагэтуль не можа адказаць, ці будзе БХД зарэгістраваная. Гэта вынікае з размовы паміж сустаршынём аргкамітэту БХД Георгіем Дзмітруком і намеснікам начальніка ўпраўлення па пытаннях некамерцыйных арганізацый Мінюста Аляксеем Печкуровым падчас прамой тэлефонной лініі па тэме “Актуальныя пытанні дзяржаўнай рэгістрацыі і дзейнасці грамадскіх арганізацый”.

У прыватнасці, Георгі Дзмітрук адзначыў, што 13 чэрвеня адбыўся ўжо пяты ўстаноўчы з’езд Партыі БХД, 13 ліпеня былі пададзеныя дакументы на рэгістрацыю, але дагэтуль няма ніякага адказу з Мінюста. Замест гэтага людзей, якія падпісаліся за заснаванне партыі, чыноўнікі прымушаюць адмаўляцца ад подпісаў. У сваю чаргу Аляксей Печкуроў прызнаў, што ў апошнія гады палітычныя партыі ў Беларусі не рэгістраваліся, але заявіў, што Мінюст толькі прымаў рашэнні аб нерэгістрацыі на падставе прадстаўленых дакументаў. Датычна БХД ён адзначыў, што дакументы партыі разглядаліся, але рашэнне пакуль не прынятае і пра яго будзе паведамлена не раней, чым пасля 18 жніўня, паведамілі ў прэс-службе хрысціянскіх дэмакратаў.

На думку Георгія Дзмітрука, папярэдняе рашэнне па рэгістрацыі ці нерэгістрацыі партыі  ўжо прынятае, “але яго пакуль баяцца агучваць”. “Таму прадстаўнік Мінюста пазбягаў канкрэтных адказаў, і абмяжоўваўся толькі агульнымі фразамі”, – сказаў ён.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
14.08.2015 Беларусь| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты