У Бангкоку невядомыя ўзарвалі бомбу ля індуісцкага храма: 15 загінулых

тэрактПаблізу індуісцкага храма Эраван ў цэнтральным дзелавым раёне сталіцы Тайланда Бангкоку прагрымеў магутны выбух. Па паведамленнях мясцовых СМІ, загінула не менш за 15 чалавек, дзясяткі параненыя.

Выбух адбыўся а 19:00. Па дадзеных паліцыі, прычынай выбуху была бомба, прымацаваная да матацыкла. «Мы пакуль не можам сказаць, якая менавіта, цяпер ідзе высвятленне гэтага пытання», – заявіў прэс-сакратар нацыянальнай паліцыі Тайланда Правут Таварнсіры, перадае BBC.

Тайскія СМІ паведамляюць, што на месцы выбуху знойдзена яшчэ адна, неразарваная бомба.

Храм Эраван прысвечаны бажаству Брахма, але яго наведваюць штодня і тысячы будыстаў. Ён з’яўляецца мясцовай славутасцю. Побач з ім знаходзіцца пяцізоркавы гатэль.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі