Гродзенцы прынялі на начлег пілігрымаў з Беластока

ілігрымкаГродзенскія каталікі 18 жніўня прынялі на начлег больш за 400 вернікаў з Польшчы, якія пешай пілігрымкай накіроўваюцца ў санктуарый Маці Божай Вастрабрамскай у Вільні. Пілігрымы вырушылі з Беластока 16 жніўня, 24 жніўня яны прыйдуць ў санктуарый у Вільню.

Пілігрымаў, якія перасяклі беларуска-польскую мяжу ў Брузгах, сустрэлі вернікі з Каробчыцаў, дзе польскія госці маліліся ля будучага касцёла, які будуецца ў вёсцы. У Гродне жыхары віталі гасцей на пабернардынскім узгорку, пасля чаго ў касцёле Адшукання Святога Крыжа адбылася Святая Імша, якую ўзначаліў дапаможны біскуп Гродзенскай дыяцэзіі Юзаф Станеўскі, паведамляе catholic.by.

“Вы для нас – вестуны надзеі”, – звярнуўся герарх да ўдзельнікаў пілігрымкі, якая ў гэтым годзе праходзіць пад дэвізам “Будуем на скале”. Сярод пілігрымаў – прадстаўнікі розных канфесіяў з Варшавы, Кракава, Закапанэ, Любліна, Ольштына, Лодзі, Познані, Вроцлава, а таксама з ЗША і Чэхіі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі