Пад Буда-Кашалёва святары прычасцілі самотных старых

БудаКлірыкі Буда-Кашалёўскага благачыння праваслаўных цэркваў пратаіерэй Павел Вячорка і іерэй Аляксандр Асадчы 26 жніўня напярэдадні свята Успення Найсвяцейшай Багародзіцы наведалі бальніцу сястрынскага дагляду ў сяле Рагінь.

Падчас візіту 21 пацыент бальніцы, з якіх 7 – ляжачыя, змаглі паспавядацца і прычасціцца. Таксама святары пагутарылі з састарэлымі аб тым, як працаваць над ператварэннем сваёй душы, паведамляе eparhiya.by.

У гэты ж дзень настаяцель прыхода храма Нараджэння Найсвяцейшай Багародзіцы ў пасёлку Наваельня пад Дзятлавам пратаіерэй Валерый Мануйла асвяціў новы будынак санаторыя «Альфа-Радон», паведамляе eparhia.by.

У сямейным дзіцячым доме ў Слуцку ў межах дабрачыннай акцыі «Школа дабра» валанцёры з брацтва Іаана Багаслова правялі свята, арганізаваўшы гульні, выраб фігурак з шароў, бітву на мячах. Таксама валанцёры прынеслі падарункі – канцтавары да новага навучальнага года і развіваючыя гульні, сабраныя вернікамі слуцкіх храмаў, паведамляе sluck-eparchiya.by.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
27.08.2015 Навіны цэркваў| Тэгі: , , , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты