Епіскап Антоній асвяціў храм у вёсцы пад Салігорскам

антонийУ вёсцы Осава пад Салігорскам 30 жніўня быў асвечаны праваслаўны храм Пакрова Прасвятой Багародзіцы. Чын асвячэння здзейсніў епіскап Слуцкі і Салігорскі Антоній, які пасля ўзначаліў першую Боскую літургію ў саслужэнні сакратара Слуцкага епархіяльнага ўпраўлення пратаіерэя Мікалая Лабынькі, благачыннага Салігорскай акругі пратаіерэя Мікалая Розава і настаяцеля храма іерэя Генадзя Пашкевіча.

За Літургіяй маліліся кіраўніка горадаўтваральных прадпрыемстваў Салігорска, шэраг якіх па заканчэнні богаслужбы быў уганараваны граматамі Патрыяршага Экзарха за ўдзел у будаўніцтве храма. Кіраўніцтву ААТ “Беларуськалій” быў ўручаны абраз з абліччам свяціцеля Мікалая, а вернікам – невялікія абразкі з абліччам праваслаўнага святога князя Уладзіміра, якія пры цалаванні крыжа ўручаў уладыка Антоній, паведамляе sluck-eparchiya.by.

У гэты ж дзень епіскап Маладэчанскі і Стаўбцоўскі Павел здзейсніў Боскую літургію ў храме Успення Найсвяцейшай Багародзіцы ў вёсцы Вязынь пад Вілейкай ў саслужэнні сакратара епархіяльнага ўпраўлення пратаіерэя Віталя Богданёнка, благачыннага Вілейскай акругі пратаіерэя Аляксандра Шмыркова і настаяцеля храма пратаіерэя Міхаіла Чурылы.

Па заканчэнні богаслужбы епіскап Павел агледзеў храм і прыхрамавую тэрыторыю і азнаёміўся з матэрыяльнай базай прыходу, пасля чаго накіраваўся ў сяло Рабунь, дзе агледзеў Успенскі храм і абмеркаваў з настаяцелем іерэем Аляксандрам Паповым аспекты добраўпарадкавання храма, паведамляе molod-eparchy.by.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
31.08.2015 Навіны цэркваў| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты