Аргентынскі біскуп на пахаванні забітага святара: Нашае грамадства хворае

пожарУ аргентынскім горадзе Альта-Грасія 29 жніўня ў сваім доме, які пасля быў падпалены, быў забіты 73-гадовы святар Луіс Хесус Картэс, ганаровы пробашч парафіі Маці Божай Міласэрнай.

Цела забітага служыцеля царквы знайшлі пажарныя, якія прыбылі на месца для тушэння агню. Спачатку была выказаная здагадка, што а. Картэс задыхнуўся ў дыме, але пазней паліцэйскія знайшлі на яго шыі сляды задушвання. Паліцыя мяркуе, што забойцы падпалілі дом, каб схаваць сляды злачынства, паведамляе blagovest-info.ru.

«Мы не можам прыняць культуру смерці, калі чалавечае жыццё перастае што-небудзь каштаваць, — звярнуўся з пропаведдзю падчас адпявання святара аргентынскі арцыбіскуп Карлас Хасэ Ньяньес. — Мы абавязаныя рэагаваць на гвалт, бо забойства святара — яскравы доказ таго, што аргентынскае грамадства хворае».

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі