Біскуп Станеўскі: Першым друкаваным словам на нашай зямлі было Евангелле

ШчучынДапаможны біскуп Гродзенскай дыяцэзіі Юзаф Станеўскі 6 верасняў ўзяў удзел у святкаванні дзяржаўнага свята – Дня беларускага пісьменства разам з каталікамі шчучынскай парафіі святой Тэрэзы і айцамі-піярамі, якія ёй апякуюцца.

Падчас Святой Імшы біскуп Станеўскі дзякаваў Богу за Яго стваральнае Слова, у тым ліку, за дадзены чалавеку дар друкаванага слова. “Першым друкаваным словам на нашай зямлі было Евангелле, – знак таго, што нашыя продкі прагнулі Слова, якое дае жыццё, а, замацоўваючы яго на паперы, жадалі захаваць яго нязменным і перадаць нашчадкам. Наша прысутнасць сёння ў святыні – доказ таго, што продкі жылі Божым словам», – падкрэсліў герарх, паведамляе catholic.by.

«Божа, благаслаўляй Беларусь і надалей», – прасіў у малітве біскуп, падкрэсліваючы, што дар мовы таксама трэба правільна выкарыстоўваць: «Наша мова можа раніць бліжніх, абражаць Бога, служыць няпраўдзе. Правільная мова не азначае казаць аб усім, усюды і з кожным: правільная мова азначае карыстанне ёю для таго, каб навучыць іншага, даць яму добрую параду, перасцерагчы перад злым учынкам, клапаціцца аб тым, што для яго сапраўды добра, аб тым, каб пазнаў Бога. Правільная мова – гэта мова, якая ўмацоўвае ў іншым чалавеку дух, мабілізуе да добрага, уносіць радасць і стварае атмасферу глыбокага супакою».

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі